Saturday, August 22, 2020

मरु सतःलय छु मरु ?

 मरु सतःलय छु मरु ?                                       

      चिसिँमन्द नामं काष्ठमण्डप नामकरण जुगु धागु सतःयात नेवाः तेसं मरु सतः  धया वया च्वंगु दु । कल्पबक्षं बिउगु छमहे सिमांया सिं देयकगु धागु थ्व सतः  ब्रम्हाया काल(ई) नापं व पर्वया काल( ई ) सुधार नापं स्वापु दु धईगु न खँ ङ्यनेदु । सृष्टिकर्ता ब्रम्हाया काल(ई) गणना ल्या कथं  ४३२००००००० मानव वर्ष = ब्रम्हाया छन्हुइत १ कल्प व छचाइत १ कल्पयाना छचा छन्हुया २ कल्प ब्रम्हाया काल(ई) ज्वुईधईगु विज्ञ जानकारतेसं च्ययातगु दु । 

      ङ्यागु शताब्दीईया बज्रयान शैली निर्माण जुगु अलय् गुगु  गुगुयाना झिंच्यागुमन्दयाकार जग स्वाना चि प्रजाति सिं दय्का धस्वाकातःगु मन्दकारया सतः जुया प्राचिनकालय् चिसिंमन्द अनं लिपा काष्ठमण्डप् नां रुपान्तरित जुयावगु खनेदु । अथेहे  थ्व चिसिंमन्द निर्माण अवस्थाए तकः थ्व सतःलय् छु द्यः पलिस्था मजुगु जुया सतःयात नेवाःतयसं मरु सतः वाय् मदू सतः धयावगु जुईफु । अथेला थ्व सतःया उत्तर पूर्वय् विराजमान जुयाबिज्याना च्वंम्ह  अशोक बिणायक गणेदेगःया गजु मदया न गजु मरुगु देगःनापंलागु सतःजुयान थ्व सतःयानां मरु सतः जुगुन जुईफु ।

        ङ्यागु शताब्दीले थ्व चिसिंमन्द धस्वाय् धुङ्का लिपा हान न्हयेगु शताब्दियाकालय् न थ्व चिसिमन्दया रुप हीकायंकगु खँ बिज्ञपिसं धया च्वगु वहे ईलय् मन्दया प्यङ्गुकुनय् प्यम्ह गणेद्यःपिं    ● अशोक विनायक, ● कार्य विनायक,  ● सूर्य विनायक, ● जल विनायक,  व दथुई  गुरु गोरखनाथया  मूर्ति पलिस्था जुगुखः धईगु थन खनेदु ।

       नेपाल सरकारं छगु ईलय् गठन यागु पर्वसुधार कार्यदलया सदश्य सचिव भाजु ई. हरीनारायण मल्लजुया भनाई धासा थ्व चिसिंमन्दया नां मरु सतःया बारे छगु विस्कं हे भनाई दु । सृष्टिकर्ता ब्रम्हाया काल समय कल्प नापं स्वापु दुगु व काल(ई- समय) न्ह्यबलें छथाय् च्वनिमखु न्ह्याना च्वनि धईगु समाजय् केनेत कल्पबृक्षया छगु अलग छगु सिमायासिं न जक दयेकातगु चिसिंमन्दया रुपय् जनसाधारणतयत झि पुर्खां लल्हाना वंगु खः धईगु भनाई दु ।


       अथेहे वयक मल्ल भाजुया भनाई कथं थ्व चिसिंमन्दय् वाय् च्वनिबलय् बाय् च्वंपिनि दैविक शक्तिया कारण छुं हे दुखः चिन्ता दैमखुगु जुगुया वाय् छुंहै शोक मरु( शोकमदू)कारण सतःया नां मरु सतः जुयावंगु भनाई दु ।

       चिसिंमन्दया नां मरु सतः जुया वंसेंलीं अन थायेया व अनया ल्वहँ हिति व अशोबिणायक गणेद्यःया नां मरु त्वा, मरू गणेद्यः व मरु हिति जुयावंगु हनेदु । आ सकसिन सिलहे ज्वुईमा खासयाना मरु सतःलये छु  मरु ?

                            ~  प्रकाशमान  शिल्पकर

थ्वन स्वया दिसं https://m.facebook.com/story.php?story_fbid=3371990622892359&id=100002443637010


No comments:

Post a Comment