लूँमदि अजिमा (भद्रकाली)नेपाः देशय् गुकथं विज्यात छगु बाखँ

 लूँमदि अजिमा (भद्रकाली)नेपाः देशय् गुकथं विज्यात छगु बाखँ

        लूँमदी अजिमा ( भद्रकाली) फोटो साभार - PASa PASA फेशबुक पेज

            प्राचीन नेपाःया इतिहास स्वयेबलय् आदिकालय् जलमग्न जुयाच्वंगु कालिदहया लःया दथुइ  विपश्वि बद्धं  पलस्वाँ( कमल स्वाँया ) पुसा पिना वंगु लिपा पलस्वाँ ( कमलस्वाँ ह्वया पलस्वाँखय् धर्मधातु ज्योतिया रुपय् प्रकत जुया विज्याना च्वंम्ह स्वयभू भगवानया दर्शनयायेया अभिलासां पञ्चशील पर्वतं विज्याम्ह बोधिसत्व महामञ्जुश्रीं थःगु चन्द्रहास खड्गं गोकर्ण न्हसिकाप गोकर्ण, आर्यघाट न्हसिकाप ग्वलँ व अन्त्य विशेष कथं क्वयना न्हसिकाप चोभार गल्छीपाला थनया दक्वं लः पित च्छ्वया थ्वथायइत मानव वसोवास याय् लायकयाना प्राचीन नेपाःया न्हापांगु मञ्जुपत्तन( आया मजिपाः) नांया छगु दे दयेका धर्माकारयात जुजुयाना प्राचीन नेपाः निर्माण जुगु खः धईगु ईतिहास दु । यें महानगरपालीका २१ वडाया पद्म सुगन्ध मार्गय् लागु मञ्जुश्री त्वाया मजिपाः मञ्जुपत्तनया अपभ्रंश खः । मञ्जुश्री त्वाल् दुगु मञ्जुश्रीया देगःइत प्रथम सभ्यताया केन्द्रया रुपय् सांस्कृतिक रुपंकया वयाच्वंगु

         महामञ्जुश्री बोधिसत्वं प्राचीन नेपाः निर्माणया जग स्वना मञ्जुपत देय् दयकेधुंका लिपा थिथि राजातेसं शासनयाना ववं लिच्छिराजा गुणकामदेवया शासनकालया कलिगत समब्त  ३८२७ वि.सं. ७८२ ने.सं. १५५ थ्यंबले हान थनया दक्षिण मंजुपतन यंगाल कोलिग्राम बस्ती व उत्तर यंगु कोलिग्राम बस्ती छस्वायाना हान न्हुगु देय् निर्माणयाबले थन हान न्हुगु कान्तिपुर देय् जुल अले देय्या रक्षया लागि खड्गाकार रुपय निर्माण जुगु देशया प्यखेरं इछुमती (तुकुचा) खोला, बिष्णुमती नदी र रुद्रमती (ध्वव्याखुसी-धोविखोला) व बागमति खुसी यासिथ् सिथय् तान्त्रिक विधिकथं  थन अष्ट भैरब सहित अष्टमातृका अजिमापिं स्थापना छगु तान्त्रिक सुरक्षाघेरा दयकगु थन ईतिहास दु ।

न्हायेपंस्याःद्यः( कानदेबता) -

किपा साभार - विकाश चित्रकारया फेशबुक

( न्हायेपंस्याः द्यः - किपा साभार The Unrevealecd Nepal facebook pages

       खड्गाकार कान्तिपुर देय् दुनय्  अष्टमातृका देवगण पिठ सहितया तान्त्रिक सुरक्षा घेरा तयार याय् न्ह्य थनया जुजु व यलया जुजु  नापं सम्बन्ध बामलागु व ईलय् बेलय् वं वइत हमला याना युद्ध जुयाहे च्वनिगु । येँ कान्तिपुरया जुजु स्वयाँ यलया जुजु शक्तिशाली जुजुया न्ह्याबलेँ युद्धय् येँया जुजु कमजोर जुया लिचिले मालिगु जुया च्वन अलय् यलया जुजुं धाथें येँया जुजु याय् मालिगु जुया येँया जुजुं छगु चलाखिपूर्ण रणनिति कथं यलजुजुया गुह्य खँत सिका थम्हं अनुकुल  कथं यलजुजुयात अधिनय तयगु रणनिति विचाःकथं व थनया तन्त्र, मन्त्र व यन्त्रया विज्ञपिं गुरुजनपिं नापं सल्हा साउती याना गुरुजन पिनिगु सल्हा कथं यल जुजुइत छु छु यः छु छु सोख दु धईगु विस्तार कथं सिका यल जुजुया यःकथंया छगु अतिकंहे बाँलागु पौभा तयारयाना पौभाचित्र दुनय् छगु तानत्रिक ध्वनी यन्त्र( आया बैज्ञानिक भाषं माईक्रोफोन) सुचुकातया अले पौभादुनेया ध्वनीयन्त्रं ध्वनी साला नाला हानं व यन्त्रं ध्वनी मेथाय् वांच्छोइगु छगु तान्त्रिक यन्त्र( आया बैज्ञानिक भाषं ट्रासमिटर) तयार यात अन हान व तान्त्रिक यन्त्रं ध्वनी ज्वना वांच्छोईगु ध्वनी लानाकाईगु मैगु छगु यन्त्र न देका थःगु राजशयन कक्षयतल । पौभादुने दुगु यन्त्रं वाँच्छोइगु ध्वनी लाना हान मेथाय् ध्वनी वाँ च्छोइगु छगु यन्त्र येँ लेय् व यल लेय्या हे बागमति खुसिया सिथय् च्वगु कुपोन्डोल धया थासे( थौ कने न्हाय्पंस्यादेयः( कानदेवता) दुथाय् गुप्त कथं जतनयानातया यन्त्रदुगु पौभा यलजुजुइ उपहायारुप बिल । पोभा अतिहे बाँलागुलि यल जुजु न लयताया व पौभा मेथाय् मतसें थःगुहे राजशयन कक्षया भित्ता खानातल ।

       गुखुनु यल जुजुं यान्त्रिक शक्तिया पौभा यल जुजुइ उपहारया रुपय लल्हाना बिल उबलेनिसें पौभाया तान्त्रिक यन्त्रया माध्यमं यल जुजुया ग्वप्य खँ तः धमाधम थन येँया जुजु सिका रणनिति म्हिता यलय् हान आक्रमण याय्गु ज्याःयाना हल ।  यल जुजुया थःगु शयन कक्षय जुगु गोप्य खँ दक्वं येँया जुजुसिकागु वाःचाय्का थ्व गथे जुल, गथेयाना गोप्य खँ येँ लायेकुलि थ्यनख धया छानविन यायां वंबलय् तन्त्र, मन्त्र व यन्त्रया विज्ञ गुरुजनपिसं जुजुया शयनकक्षया भपत्ताय् खायातगु पौभादुनय् ध्वनी यन्त्र तयातगु सिका अले व यन्त्रनापं स्वापु दुगु मेगु यन्त्र कुपोन्डोलय तयातगु यन्त्रन लुइका कया येँ च्वंम्ह जुजुया दक्वं रणनित थुइका कया जुजु व विज्ञ सल्हाकार पिनिगु सल्हा कथं पौभा दुनय् च्वंगु यन्त्र व कुपोन्डोलय् च्वंगु यन्त्रयाज्याः स्यङ्का पाय्छि अःखयानाबिल गथे न्हापा यल लायकुया गोप्य खँ यैँ जुजुया लायकुलि थ्यनिगु खः ठीक उकिया अःख ( विपरित) यानाविल ।

         येँ च्वंम्ह जुजुया न्ह्याबलय्ँ थःगु कोथाय् खानातगु पौभां पिहां वईगु सः न यल जुजुया गोप्य खँ सिकेत न्हाय्पं तिंस्वाका च्वनिगु तर न्हापा थें यल लायेकुया छुं हे सः ताय् मदय अजुचाया च्वन । गबल्निसें पौभां सः पिहां मवल अबलयनिसें येँ लायकुया गोप्य खँ धमाधम्म यलजुुजुथाय् थेना यल जुजुं येँ देयेया विरुद्धया वालावाला सनाहगु जुजुं वाचायका थ्व छु जुल धया विज्ञपिै सल्हा कथै छानविनयायां कुपन्दोलया यन्त्रलय् स्वगु बखतय् खँ दक्व थुइका आ थ्व यन्त्रइत अथेंतयमजिल धया सिकाकया व यन्त्र स्यङ्काबिल । कुपोन्डोलया व यन्त्र स्यङ्कुसेंलि व यन्त्रय् न्हायेपं स्यापिं मनुतेसं पुजायातसा न्हायेपं स्यागु लनि धेगु आस्था व विस्वास फयुेेेेथें हिलाजाया वना न्हायेपंस्याद्यः नामं जाया वन ।

जमलया भद्रकाली द्यः -       जमःः(जमल)भद्रकाली पिठ किपा साभार - Inherited Heritage facebok pages

       थुखे येँ जुजु पौभा रणनिति फैल जुसेंलि झन कमजोर जुजुंवना यल जुजुंलिना च्वन । यल जुजुं थःत लिना च्वंगु आ छुयासा जिधया हानं विज्ञपिंनिसें सल्हा साउती यावलय् दैविक शक्ति संचययाय् हेतु आसाम राज्यं शक्तिदायणी भद्रकाली थन हयमा धईकथं खँ क्वजिका छम्ह तान्त्रिगुरुइत आसामं भद्रकाली द्यः थन हयेगु ज्याःभारा बियाँ भल्रकाली द्यः कायेके छोत ।

        भद्रकाली द्यः थन येँ देशय् हयेगु भारा काम्हं तान्त्रिक गुरुन आसाम वना दुखःकस्तयाना तन्त्र शक्ति व बुद्धिछेला थम्ह ज्वनावनागु कलःदुनय् भद्रकाली द्यःतया थःगु जिम्मा पू वंका थन येँ देशय् थेंङ्केहल । भद्रकाली द्यः लायकुली अथें यङ्केमज्यू , लसकुसयाना बाजंथाना यङ्केमा धईगु तान्त्रिक गुरुंयाविचा कथं द्यःदुगु कलः थौकनय्या  जमल धागु थासेदुगु छमा सिमाय् खानातया थः लायकुलि वना जुजुयात खबर बीउ वन ।

       तान्त्रिक गुरु लायकुलि मथ्यनिबले हे सिमाय खायातग कलः(कलाँली)नं भद्रकाली द्यः छम्म चिधिकम्ह मिसामचाया रुपकपा पिहाँ वया ख्वया च्वन । वहे ईलयय तेबाःया छम्म ज्यापू दाईचा तूपय् बुई वनेत खमु कोविया वहे लँ जुका वया च्वंगु जुया च्वन । खमु कोविया वम्ह ज्यापू दाईचा अन जमःलय् थ्यंबलय् सिमाक्वय् छम्ह मिसामचा खोयाच्वंगु खना खमु दिका उखु थुखे मिखा ब्वया स्वलन गनं सुं मेपिं मखँ । मचाधासा लाय् लाय् बुया खोयाच्वन, ज्याःपु दाईचा धासा बुईवनय् हथायेचाया च्वन । अपायसिकं खोयाच्वम्ह चिधिम्ह मचा अन सुंहे खनय् मदुथाय् अथें त्वता मनने मछिना खोयाच्वम्ह व मचाकया थःखमूलयतया कूबिया तुपय् बुई खुरु खुरु वनाछोत ।

        उखय् लायेकुली वना जुजुयात खबर ब्यूवंम्ह तानत्रिक  गुरु जुजुयात भद्रकाली द्यः हय् धुन आ लसकुसयाना कावनेनु धया जुजु व मेमेपिं मनुनत ज्वना जमःलय थमं द्यः दुगु कलः(कलाँली) सिमाय् खानातया थाय् वया कलःलय् स्वबले कलः दुनय् भद्रकाली द्यः  मदु । उखे थुखे मालनं गन खनेमदु ।  गन हे द्यः मखँसेंली तानत्रिक गुरु तन्त्रशक्ति विधि पूवंका स्ववलयला भद्रकाली मचाया रुपकया छम ज्यापूं  तुपय् बुई यनातय् धुङ्कल धईगु दृष्टिं  खङ्का सकल्यं तुूपय् हे वना भद्रकाली द्यः कावन ।

          आ थौ कनय् बुढानिलकण्ठ नगरपालीका वडा नं. १३ चुनिखेलया गाम्चा  धागु   थासय् नौलङ्गी भद्रकाली देगः दुगु  तूपय् बुई फाँतय् वना स्वबलय्  मचारुपि भद्रकाली द्यःम्हिता च्वन ज्याःपु दाईचा बुई जयाःयाना चवन । तान्त्रिक षुरु व जुजु सकसिन मचायरुय विज्याना च्वंम्ह भद्रकाली माजुइत नु वनेनु धालं वय्गु माने मजु गुलि हेकलनं मानेमजुबले तान्त्रिक गुरुं द्यः रुपि मचाइत लूँयागु मदिबिइ जिपिंनापं लायेकुलीन नुः धया हेकल खनी । लूँयामदि बि धाबलय् द्यःरुपि मचा लय लयताया इपिंनापं वया लायेकुलि लसकुसयाका दुहावन ।                                       नलीम अजिमा (नौलङ्गी भद्रकाली), तुपय् चुनिखेल -                                                 नलीम अजिमा(नौलङ्गी भद्रकाली) किपा साभार - साजाजिक संजाल

      जमलंनिसें खमूलय् यंङ्कुम्ह ज्याःपु दाईचा न्हिन्हय् बजि नयत मचा व खमूः तयाथाय् वया स्वबलय् मचा खने मदु । उखे थुखे माःलन गनं हे लुइके मफया दिक्कतातां बजिनयत छेंन हगु बजि खमूलि स्गुबलयला बजि व खमूई दूगु दक्वं सामान हिरा, मोति, मानिक जुया मिच्याथें ज्वाल्ल तेज पिहाँ वयाच्व । थजागु अचम्मगु खना ज्यापू तसकं अजुचाया विचायाना स्वगु बखतय् जिं जमलं हयाम्ह मिसामचा पक्का न साधारणमह मचा खैमखु धईकथं मनं लुईका  पक्कान द्यः हे खयेमा धईकथं द्यः पसकारयागु बखतय्  भद्काली द्यःवं ज्यापुइत दर्शन विया  विज्याना  थ्वहे थासय् च्वने धया विजणयाना अन्तरधयान जुल । छम्ह नलिम मचा भद्रकालीया रुपकया ज्यापुइत दर्शन बियाँ विज्यागुलिं अन भदृरकालीया द्यः पलिस्थायना नलिम अजिमानामं लिपा वना नलिम अजिमा अनन कालन्तरय वना नौलङ्गी भद्रकाली नामं गाम्चाय् प्रख्यात जुया वगु खनेदु । तुपय् बुँ फाँटे विज्याना बिज्यागुलिं अन वहे थासेदेगः दयेका अनया रैथाने नेवाःतेसं स्वाँया पुन्हि( बैशाशुक्ल पुर्णे) कुनुनिसें खुनुतक खःजात्रायाना नलीन अजिमा( नौलङ्गी भदरकाली) या जात्रा हना वया च्वंगु दु । दोला अजिमा, कालमोचन, थापाथली -         

       आसामया भद्रकाली द्यः लायकुली लसकुसयाना दुकाय् धुङ्का तान्त्रिक विधिकथं पूजाया आराधनायाना भद्रकाली खुसिजुइका जुजुं शक्ति साधनायाना भद्रकालीया शक्तिया लिधंसाय् यलय् हमलायाना त्याकुबल् यल व येँया यक्व हे मनुतः सिऊगु जुया च्वन । लडाइँ सिधय् धुङ्का यक्व हे मनुया सिम्हःतः गथेयाना व्यवस्थापन यायगु धईगु खँ जुजु व भारदारपिनि सल्हा जुया च्वंबलय् भद्रकाली द्यःवं लडाइँलय् सिपिं दक्व सिम्ह जिं काय् धया दक्वं हे सिम्ह थःगु ल्हा:दोनायेतया येँ कालमोचन तिर्थ नापं छगु दम्फोलय् ( थौ कनय् थापाथलि राष्ट्रबैंकया ध्वाखाया खवय्) आसनायाना विज्यात । भद्रकाली द्यःनं सिपिं थःगु ल्हाःदोनातया आसनकया च्वंगु थायेइत हे थौ झिसं दोला अजिमा पिठ कथं मान्ययाना पुजायाना वया च्वनागु हे दु ।

लूँमदी अजिमाया(भद्रकाली), तुडिख्य - लूँमधि अजिमा ( भद्रकाली) किपा साभर facbook बाट

           जुजु्ं न भद्रकालीया शक्तिया लिधंसाय् यल जुजु नापं ल्वाना त्पाके धुङ्का लूँमदी अजिमाया नामं भद्रकालीद्यःइत तुकुचा खुसिया सतिकं तुडिख्यलय पिठदयेका पलिस्थायान द्यःछें चाहिँ जमलं मिसामचारुपि भदरकालीद्यःइत थःगु खमूलयतया तुपय् बुई यङ्कुम्ह ज्याःपु दाजुया छें लागाय् तेबाःलय् दयेका बिया लूँमदी अजिमाया द्यःछे दयेका थन नेपाः देशय( नेपालमण्डलय्) भद्रकाली बिज्याका बिराजमान याका मान्ययाना तल। लूँमदि अजिमाया पिशाच चतुर्दशि पाहाँ चह्रेबलय् खः जात्रायाईगु परम्परा दु । भद्रकाली नापं १२ वर्षेय छक जुजुं खड्ग हिलेगु परम्परा थन दु ।       येँ देशय् दुनय् खुम्ह भद्रकाली द्यःपिं दु  -             ,     येँ कन्तिपुर दुनेया हातिगौदाय् खड्का भद्रकाली -१, चपली भद्रकाली- २ व नौलङ्गीभद्रकाली -३ नापं स्वम्ह भद्रकाली बुढानिलकण्ठ नगरपालीकाय् व लूँमदी अजिमा(भद्रकाली),तुडिख्य १, वचु( वटु) भद्रकाली, वटु - १ व लूँचुभुलु अजिमा( भद्रकाली-  केलत्वालयेया ३  नापं स्वम्ह भद्रकाली येँ महाागरपालीका दुनय दुनेया नापं याना मूकं येँ खुम्ह भद्रकाली द्यःपिं दुगु खनेदु । ~ खड्का भद्रकाली, चपली भद्रकाली, लूँचुभुलु अजिमा व वचु भद्रकाली लूँमदी  अजिमा( भद्रकाली) नापं छु स्वापु दु धईगु विषयलय् दूवाला स्वयेगु बाकि हे दनी । लिखँ                                                                     लूँमदी अजिमाया झिसं ङ्यनावया च्वनागु बाखँ कथं भद्रकाली  लायकुली दुतयङ्का जुजुं तान्त्रिक विधिकथं पुजा आरधनायान अजिमा खुसियाना अजिमाया शक्तिया लिधंसाय् यलय आक्रमणयाना त्याकेधुङ्का लायकुया इष्टदेब कथं कया देय्या सिमाना सुरक्षाया लागि नगरया पूर्व सिमाना आाया सिंहलायेकु( सिंहदरवार)या न्ह्यने पखे तुकुचा खुसि सतिकं तान्त्रिक बिधिकथं अष्टमातृका पिठया रुपय् लूँमदी अजिमाया पिठकथं स्थापना यागु खनेदु । अय्टमातृका पिठ धायबलय गंछि द्यःपिं दैगु हे जसल । थ्व जुल  नेपाःदेशय् लूँमदी अजिमा ( भद्रकाली) गुकथं बिज्याकल वाय् बिज्यात  धईगु झिसं ङ्यना वयागु बाखँ थ्व खः।

       लूमदि अजिमां जुजुइत शत्रुनापं ल्वायेगु शक्ति विउगु खः धईगु छगु दसि  नेपाःया जुजुं १२ दँय् छक लूँमदि अजिमां नापं खड्ग हिलिगु परम्परा अन्तिम शाहबंशिय् जुजुतक न खड्ग हिउगु दसि खः ।

झिसं हनेकनेयाना मान्ययाना वयाच्वना  अजिमापिं व शक्ति पिठया                          परम्परा व मान्यता -                              

       झी नेपाःमितय्गु थीथी संस्कृति मध्ये झीसं हनावनयानाः वया च्वनागु छगु अजिमापिं न खः । “अजिमा” खँग्व “अजि” व “माँ” खँग्वया योगं पूवंगु खः । अजिमा सनातन शैवमार्गी व बैश्णवी (हिन्दु) या नापं बौद्ध मार्गीतयसं समान कथं हनावना यानाः वयाच्वंम्ह मातृदेवी खः । झीसं झीगु छें जःपिं व देय्या सुरक्षाया लागिं भैरब शक्ति व अष्टमातृका गण कथं च्याम्ह अजिमापिं हनावयाच्वंगु दु । तामाङ्ग भाषं ममथकुरानी छस्कामुनी, तीब्बती भाषं पुकसिदो अलय् खस भाषं मातृका बाय् बज्यै खः । अष्टमातृका अजिमापिं बास जुयाच्वंगु थाय्यात झी नेपाःमि तय्सं शक्ति पीठ कथं हनावनायानाः वयाच्वंगु दु । अष्टमातृका अजिमापिं धाय्बजय् १) ब्रम्हायणी, २) महालक्ष्मी, ३) रुद्रायणी, ४) कौमारी (कुमारी), ५) नारायणी, ६) बाराही (कालरात्री) ७) इन्द्रायणी व ८) काली (महाकाली)   खः ।

पौरानिकता -

         पौराणिक व सनातन धार्मिक मान्यता कथं श्री सतीदेवीया अंग पतन जुगु थाय् हे शक्ति पीठ खः धइगु मान्यता जुयावयाच्वंगु दु । अथे हे देवगणया मिसास्वरुप स्त्री स्वरुपया शक्ति स्वरुप मान्य जुयावयाच्वंगु दु । वँगः सिमा क्वय्,  क्वँ सिमा क्वे व खुसिया जखः मसानघाट (दिप) सतिकं दुुगु अष्टमातृकाया बास जुयाच्वंगु थाय् हे शक्ति पीठ खः धईगु सनातन धार्मिक मान्यता जुयावयाच्वंगु थन झीसं खनाच्वना । गुगुन मातृ शक्ति पीठय् गंछि द्यःपिं दयावयाच्वंगु खने दु, गंछि द्यःपिं धाय्बलय् क्षेत्रपाल बाहेक झिनिम्हं द्यः गंछि दई गथेकि छम्ह गणेद्यः, छम्ह भैरब (भैलद्यः) छम्ह सिम्बाःद्यः (सिहिनी), छम्ह धुम्बा द्यः (ब्याघिनी) व च्याम्ह अजिमापिं १) ब्रम्हायणी, २) महालक्ष्मी, ३) रुद्रायणी, ४) कौमारी (कुमारी), ५) नारायणी, ६) बाराही, ७) इन्द्रायणी व काली (महाकाली) खः । थुपिं) च्याम्ह अजिमापिं मध्ये छम्ह मूलम्ह अजिमा दई  अलय् व मूलम्ह अजिमाया नामं हे पीगं बाय् शक्ति पीठया नां कहले ज्वीइ । अष्टमाृतका अजिमापिंन्त थःथःगु थाय् बाय् व भाषा कथं बिस्कं बिस्कं नामं हनावयाच्वंगु खने दु ।

इतिहास -

                 येँ कान्तिपुर नगर दुने लापिं अजिमायुक्त अष्टमातृका शक्ति पीठ तयगु पलिस्था       (स्थापना) या इतिहास दुवाला स्वय्बलय् आदि कालय् प्राचिन नेपाः उत्पत्ति बाय् नेपाः निर्माण जुइ न्हयः थन दयाच्वंगु कालीदहया लः माहांमञ्जुुश्रीं थःगु “चन्द्राहास खड्गं” क्वटुवा न्हसिकाप, गोकर्ण न्हसिकाप, आर्यघाट न्हसिकाप व क्वय्ना न्हसिकाप पर्वयातः छसिकथं प्रहार यानाः थनया लः पिहावनेगु लँपु दय्का बियाः थन मनूया बस्ती बसेयााना प्राचिन नेपाः निर्माण जुइधुंका कलिगत संम्वत ३८२७ दँ पाखे लिच्छवी जुजु गुणकामदेवं प्राचिन नेपाः           (नेपालमण्डल) या येँ दक्षिण मजुपतन यंगाल कोलिग्राम बस्ती, उत्तर यंगु कोलिग्राम बस्ती नां या बस्तीयात समायोजन यानाः छगु खड्गाकारया रुपय् च्वंगु भूमियात बागमती खुसी, इक्षुमती (तुकुचा) खुसी व रुद्रमती (ध्यब्या खुसी) या सिथय् कान्तिपुर नगरया रुपय् न्हुगु दे पलिस्था यानाः नगरया प्यखेरं खड्ग आकारया हे अष्टमातृका अजिमायुक्त शक्ति पीठ व भैरब शक्ति तः तान्त्रिक बिधि कथं पलिस्था यानाः दुर्ग (नगर सुरक्षा घेरा) निर्माण यानाः शक्ति पीठतः पलिस्था यागु धया नेपाःया भाषा बंशावली उल्लेखित यानातःपिं अजिमायुक्त   (अष्टमातृका) शक्ति पीठतः – कंग अजिमा (कंकेश्री), ङ्यतमरु अजिमा                  (स्वेतकाली÷नरदेवी), लूति अजिमा (इन्द्रायणी) म्हयपि अजिमा (ज्ञानेश्वरी) मैती अजिमा        (पञ्चकुमारी), टकटी अजिमा (निलबाराही), बसला अजिमा, व लूमढी अजिमा (भद्रकाली) शक्ति पीठ (पिग) तः तान्त्रिक बिधिकथं पलिस्था यानाः यें कान्तिपुर नगर निर्माण यागु धया भाषा बंशावली उल्लेखित यानाःतगु दु । 

भाषा शावली च्वतगु खनेमदुपिं मे मेगु अजिमापिं व शक्ति पिठतः -

        भाषा बंशावली उल्लेखित यानाः मतपिं नगर दुने मेमेपिं थीथी अजिमायुक्त शक्ति पीठ (पिगं) तः दुगु खनेदु । गनेकी पचली नकिंनि÷नइ अजिमा–पचली,सख्वना अजिमा (सिकाली) पचली, पासिक्व अजिमा (माहालक्ष्मी) – कमलादी फिसः÷फिब्व अजिमा–माईतिघर मनमैजु अजिमा, मनमैजु, असंभूलु अजिमा (अन्नपुर्ण) असं, लुचुभुलु अजिमा –केलत्वा जनबा, सख्ना माजु (निल सरस्वती) लइन, तूसिमरु अजिमा (स्वेतकाली) – गै¥हधारा बिशालनगर कुलेश्वर अजिमा – कुलेश्वर, प्राचिन बौद्ध अजिमा – खास्ती बौद्ध, त्वरद्यः अजिमा (तूदालदेवी) – बिशालनगर, वटु अजिमा (भद्रकाली) – वटु, पोर्पा अजिमा – रानीबारी, प्याथ्व अजिमा ल्हूति, बाइसधारा बालाजु, दोलब्व अजिमा – थापाथली, न्हेकंतला अजिमा (तमद्यः) उग्रतारा – न्हकंतला, ज्वलपादेवी त्यरः, चन्द(चन्द्रलखु) अजिमा – नारायणहिटी दरवार परिसर (दुने) अरिं अजिमा – चिकंमूं, बिजेश्वरी अजिमा–बिज्सवी, हारती अजीमा स्वयम्भू , , ममता अजिमा (भाटभटेनी), भाटभटेनी, भमलु अजिमा कमलाक्षीव, व  हाकु अजिमा यटखा  आदि अजिमापिं खः । अथे हे यें कान्तिपुर नगरया पश्चिम भेग बिष्णुमति खुसी पारी बल्खु खुसी (इन्द्रमती) व कर खुसी (मन्यमती) या बिचय् न्हेपंखा धईगु थासय् बिराजमान जुयाच्वम्हं छम्ह अजिमा खः कल्खु अजिमा । थ्व कल्खु अजिमा अष्टमातृका गण अजिमापिं मध्ययाम्ह छम्ह अजिमा खः । थ्व कल्खु अजिमा बालकुमारी  खः ।   ~        नलीम अजिमाको फोटोहरु निपेश श्रेष्ठबाट । प्रकाशमान शिल्पकार      ~ प्रकाशमान शिल्पकार