अशोक विनायक गणेद्यः ख्वपय् पापननीई ?

 अशोक विनायक गणेद्यः ख्वपय् पापननीई  ?

     ख्वपनगरपालीका ६ नं. वडा लागा दुने लागू याछें त्वालय् विराजमान जुयाविज्याम्ह याछें गणेद्यः, येँ (याँय्) छें दुम्ह गणेद्यः जुया याछें गणेद्यः धागु खः धैगु अनया लोकजन पिनगु खँ दु । 

          भक्तपुर वडान ६ नांया फेशबुक पेजय् पोष्ट जुया च्वंगु " काठमाण्डौको मरु गणेश भक्तपुरमा भएको तथ्य सार्वजनिक "  शिर्षकया कृष्ण प्रजापतिया छगु च्वसुलय् च्वयात कथं याछेँ गणेद्यः वास्तवय् गनं वम्ह धया अनुसन्धान कर्तातयसं खोजनिति याना स्ववलय् येँ मरुत्वालय् मरु सतः लिक्क च्वंम्ह अोशक विनायक गणेद्यः खः धईकथं निरुपण यागु खँ च्वयातगु दु । अन च्वयात कथं न्हापा न्हापा झिमनुत छथाय्न मेथाय् थाय् बाय् हिला वनिबलय् थःनापं थःम्ह इष्टद्यः न नापं हे यैंकेगु चलन दुगु जगु जुया च्वन । न्हापा छगु ईलय् ल्होम्बा नांया मनु  परिवरिवारजछि छथ्वः मनुत भारतं ल्होम्बा नां नेपालमण्डलया यल गोदावरी बसाइँसराइयाना वयाच्वंगु अले इमिंस थः नापं थःम्ह इष्टदेब गणेद्यःन नापं हे हया अन च्वंगु जुया च्वन खनी । गथे हरिसिदेवं सिमरौनगधं तुलाजा भवानी ख्वपय् हयातल अथेहे हगु खः । तर अनसुन्धानकर्ता पिसं गोदावरी गन धया आ पत्ता लगेयाय् मफुनि गु न उकि च्वया तगु दु । बंशाबलि  ल्होम्बाया ङ्याम्ह कायेपिं मध्य कल्याणसिंह नांयाम्ह छम्ह काय् गोदावरिं हान येँया आ मरुसतः दुगु थाय्या जःखः च्वंवगु अले वं थम्ह इष्टदेब गणेद्यः न अनहे जःखः  छथाय् पलिस्थायाना तगुजुया च्वन खनि ।

       कल्याणसिंह राजपरिवार नापं हेलमेल जुगु हुनि कल्यानसिंहया छम्ह काय्न ख्वप जुजु रणजित मल्लया म्ह्याय नापं इहिपा जुगु व जुजुं थः म्ह्याय् जिलाजंयात ख्वपय् हे तयेगु विचाःकथं पापननीआया याछें त्वालय् छें दयेकातगु अले कलयाणसिंह नथम्ह इष्टदेब गणेद्यः व गणेद्यःया गजु नापं न अनयङ्का अन हे पलिस्थायाना देगः दयेकातगु खः। ख्वपदेशय् आदुपिं मूल, ताल्चाभडेल, जसपाल र कुथु थरका मानिसहरु यहीं ल्हाम्बो र कल्याणसिंहया हे सन्तान दरसन्तानतः खः । कल्यासिंह येँ न थाय्बाय् सरेजुया थः नापं गणेद्यः व देगःया गजु नापं यङ्का खवपय् पापननी च्वंवंगुलिं यें चिसिंमन्द(काष्ठमण्डप) जःखःलय च्वम्ह गणेद्यः मदूगु जुयाहे अन  मदू गणेशं मरु गणेश जुगु खः धयातगु खनेदु । थेजुया ख्वप पापननीया गणेद्यः याँय् (येँ) छें दुम्ह  वाय् याँय् (येँ) च्वंम्ह गणेद्यः जुया याँय् छें गणेद्यः नामं पेरख्यात जुगु व येँ मरु गणेद्यः जुवंगु खः ।                                        प्रकाशमान शिल्पकार